Plantun de Prouvènço

Pèr coumpara dos planto d'encò nostre

Dictamnus albus & Helictotrichon sempervirens

Ditame-blanc

Dictamnus albus

Rutaceae

Àutri noum : Freissinello, Ditam-blanc, Frassinello, Dictan.

Noms en français : Fraxinelle, Dictame blanc.

Descripcioun :
Lou ditame-blanc o freissinello, planto pulèu raro, trachis dins li blachiero e li faio souvènt dins li coumbo umido. Se recounèis eisa à la flourido emé si poulìdi flour roso veinado de poupro, en grapo, e qu'embaumon. Lis estamino soun loungarudo e virado devers l'aut. Li fueio dounon d'èr à li dóu frais, d'aqui soun segound noum. Lou fru es un boursèu di 5 partido.

Usanço :
Èro gaubejado à l'Age-Mejan que sarié vertuouso contro mant'uno malautié ; de vèire. Sarié bono pèr lucha contro d'ùni proublèmo de nèrvi (mau-de-la-terro o epilepsìo), faire veni li règlo e contro lis espaime de vèntre. Se dis peréu qu'èi sudourifico.

Port : Erbo
Taio : 50 à 100 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Dictamnus
Famiho : Rutaceae

Coulour de la flour : Roso
Petalo : 4
Ø (o loungour) flour : 3 à 5 cm
Flourido : Printèms - Estiéu

Sòu : Ca (Si)
Autour basso e auto : Pancaro entresigna
Aparado : Vo
Remarco : Meno aparado
Mai à juliet

Liò : Blachiero - Óuriero de bos - Founs de coumbo
Estànci : Subremediterran
Couroulougi : Éurasiatico
Ref. sc. : Dictamnus albus L., 1753

Civado(-toujour-verdo)

Helictotrichon sempervirens

Poaceae Graminaceae

Nom en français : Avoine sempervirente.

Descripcioun :
La civado-toujour-verdo es uno grando civado renadivo que trachis en mato dins li tepiero roucaiouso is adré de mountagno. Li fueio soun pulèu larjo pèr uno civado renadivo (> 1 mm). La grosso mato sus sòu cauquié ajudo à la recounèisse un cop qu'avès verifica qu'èro uno civado. En mai, cado espigueto caup uno flour barbudo emé l'arèsto torso e uno autro emé uno arèsto mai courteto e drecho. I'a pas trop pèr s'engana. Coumpara pamens emé lis àutri civado renadivo e majamen Helictotrichon sedenense.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictotrichon
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 à 15 cm
Flourido : Printèms - Estiéu

Sòu : Ca
Autour basso e auto : 1700 à 2200 m
Aparado : Noun
Jun à juliet

Liò : Tepiero roucaiouso seco
Estànci : Mountagnard à Subaupen
Couroulougi : Ouroufito-Aupenco-Sud-Ouèst
Ref. sc. : Helictotrichon sempervirens (J.Woods) Pilg., 1938 (= Avena sempervirens Vill, 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Dictamnus albus & Helictotrichon sempervirens

ges

Coumpara Ditame-blanc emé uno autro planto

Coumpara Civado(-toujour-verdo) emé uno autro planto